TIRANË– Nga konferenca e përbashkët me homologen sllovene, Tanja Fajon, Ministri i Jashtëm, Igli Hasani u shpreh se vendi ynë ka bërë hapa të rëndësishëm në përmbushjen e reformave me qëllim integrimin në BE.
Hasani deklaroi se qeveria shqiptare është e vendosur të përmbushë standardet e larta për anëtarësim
“Shqipëria ka bërë hapa të rëndësishëm në përmbushjen e reformave. Përparim të vazhdueshëm është bërë në Reformën e Drejtësisë dhe luftën ndaj krimit të organizuar. Qeveria shqiptare e vendosur të përmbushë standardet e larta për anëtarësim.”- u shpreh Hasani.
Sllovenia -tha ministri Hasani është avokate e fuqishme për perspektivën tonë evropiane dhe të rajonit
“Anëtarësimi në BE mbetet prioriteti ynë strategjik. Angazhim i përbashkët për thellimin e mëtejshëm të marrëdhënieve dypalëshe.”-tha ai duke theksuar potencialin për forcimin e shkëmbimeve tregtare dhe investimeve.