TIRANË– Zëvendëskryeministrja, njëkohësisht dhe ministrja e Infrastrukturës dhe Energjisë, Belinda Balluku gjatë fjalës së saj në seancën plenare të kësaj të hëne lidhur me “Projektbuxhetin 2025”, deklaroi se me buxhetin e vitit 2025, do të nisin, por edhe përfundojnë projekte ambicioze në infrastrukturë.
Ajo u shpreh gjatë fjalës së saj se këto projekte do të sjellin një ekonomi të qëndrueshme.
“Tashmë, ne jemi në fazën e re të implementimit të projekteve strategjike. Këto projekte zhvillimore janë të mirëhartuara, të ndërlidhjura me njëri-tjetrin. Korridori 8 dhe korridori blu, me një mbështetje, nuk janë thjesht autostrada të shpejtësisë së lartë, por edhe lidhëse. Kemi zgjerimin e rrugës Elbasan-Qafë Thanë, parashikohet ndërtimi i segmentit nga Bypass i Elbasanit në Lekaj të Rrogozhinës. Pjesë e këtij buxheti është edhe Bypass i Elbasanit, ashtu siç është edhe Bypass i Tiranës. Pjesë e korridorit 8 janë edhe linjat e intekonjeksionit. Së shpejti do të çelim garën për aksin Milot-Balldren, kemi duke përfunduar negociatat për 3 akse të tjera.”-tha Balluku./Radar.al