Që kur mbushi 6 muajshe e deri sot që është 15 vjeç, Luiziana nuk e njohu babanë e saj.
Kjo pasi siç dhe e rrëfeu ajo vetë “Ka Një Mesazh Për Ty” , ishte dhuna ajo që e përçau familjen e më vonë ndodhi e papritura për të: një fëmijë që refuzohet nga i ati.
Me babain e saj biologjik gjallë por ajo tregon se figurën e të atit ia ka zëvendësuar daja, Doriani.
Në çdo ditëlindje të Luizianës ishte Doriani ai që i jepte një puthje në ballë saj dhe jo vetëm. Daja i kushtoi asaj gjithë jetën e tij.
Ndaj dhe mbesa e ftoi në rubrikën e së “Dielës Shqiptare” në Tv Klan për t’i shprehur mirënjohjen e saj të pakufishme si dajës, edhe bashkëshortes së tij që e quan dajkla.
“Daja im! I shtrenjti im! Të falënderoj për çdo gjë që ti dhe dajkla keni bërë dhe vazhdoni të bëni për mua! Të falënderoj që gjithmonë me dashurinë tënde je munduar që unë mos ta ndiej mungesën e prindit tjetër. Ti je modeli dhe idhulli im më i madh! Ti je jeta ime! Faleminderit që ekziston! Të premtoj ashtu sesi ti je munduar që unë të rritem dhe të shkollohem, ashtu do të përpiqem edhe unë të të bëj ty krenar!”, tha Luiziana.
I përlotur, Doriani thotë se Luiziana ka kaluar shumë dhe për të ai juk do jetë mbesa por fëmija i tij. “Jam munduar me gjithë shpirt ta kem si fëmijën tim… është fëmija im se kam tre fëmijë dhe është fëmija i katërt”, tha ai.
Marrë nga TV.Klan