Para se të ulej në vendin e saj, prapa murit të “Ka një mesazh për ty” Luiziana takoi fillimisht moderatorin e programit, Ardit Gjebrean.
E ftuara e sotme ishte Luiziana, një vajzë 15 vjeçe, të cilës mosha iu vu në pah edhe nga Gjebrea që u shpreh se përkon me moshën e vajzës së tij, Annës.
Këtu ishte një pikë ku Luiziana pati edhe një koment të bukur për Annën apo Brean, siç është emri i saj i skenës.
Ndërsa Luiziana fliste për vajzën e tij, se si Brea e kishte motivuar atë, moderatori u përlot dhe i dhuroi asaj një përqafim të ngrohtë.
Pjesë nga biseda:
Ardit Gjebrea: Ti ke lindur në vitin 2009?
Luiziana: Po, në vitin 2009 kam lindur. Si fillim kam jetuar në fshatin Pandalemo të bashksië Finiq. Ishte fshati ku ishte martuar mamaja ime.
Ardit Gjebrea: Ti ke moshën e gocës sime.
Luiziana: Po, e kam parë Annën dhe të përgëzoj sepse e pashë edhe te një intervistë e Rudina Magjistarit.
Ardit Gjebrea: Ah, faleminderit!
Luiziana: Një vajzë shumë e suksesshme dhe që motivon, vërtet më motivoi edhe mua.
Ardit Gjebrea: Vërtet?
Luiziana: Po!
Ardit Gjebrea: Jam shumë i lumtur ta dëgjoj këtë!
Luiziana: Jam shumë e lumtur që po gjej edhe këtë mbështetje nga publiku dhe që po më bën të rehatohem.
Marrë nga Tv.Klan