Ish-kryebashkiaku i Shkodrës, njëkohësisht edhe funksionar politik dhe ish-deputet i partisë Demokratike, Bardh Spahia, ka reaguar për atentatin me dy viktima dhe dy të plagosur që tronditi qytetin verior këtë 30 tetor.
“Ngjarja tragjike në Shkodër për fat të keq tregon edhe njëherë terrorin në të cilin jetojnë çdo ditë qytetarët Shkodranë nën thundrën e krimit.
Zbardhet dinamika/ Të shtënat me armë që tronditën Shkodrën, policia: Dy të plagosurit janë rëndë
Ndërkohë që policia politike është e angazhuar në përndjekjen e persekutimin e opozitës që proteston kundër kriminalizimit të shtetit, krimi sundon i qetë.
Shkodra dhe gjithë Shqipëria vuan sot shkrirjen në një të shtetit me krimin e organizuar, përndryshe ngjarje si kjo e sotmja me disa viktima do ishin parandaluar”, shkruan Spahia në rrjetet sociale.