Kreu i PD-së, Sali Berisha përgjatë ditës së sotme ka deklaruar se sipas burimeve të tij, viktimat e masakrës në Shkodër, Arlind Bushati dhe Hamza Lici janë nxjerrë në pritë nga dikush nga policia që i devijoi rrugën.
Berisha më tej theksoi se ngjarja e rëndë pati mbështetjen e policisë dhe vrasjet ishin të paralajmëruara.
“Ngjarja e djeshme thuhet se pati mbështetjen e policisë. Ishte e paralajmëruar dhe kishin çdo të dhënë për përgatitjen e saj. Nuk kam të sigurt burimin, por në pritë i nxori dikush nga policia që u devijoi rrugën Licit dhe Bushatit”, tha Berisha.
Ish-kryeministri theksoi se atentati erdhi 3 javë pasi Arlind Bushati u përball me atentatorët në pedonalen e qytetit të Shkodrës.
“Masakra e djeshme është vazhdim i një seri aktesh terroriste, atentatesh të ndodhura muajt e fundit në Shkodër të fshehura nga policia e Shkodrës apo të injoruara totalisht në gjetjen dhe arrestimin e atentatorëve”, tha ai.
Sali Berisha: Tre qytetarë u ekzekutuan dhe 1 i katërt lufton me vdekjen në shtratin e reaminacioni. Shpeh ngushëllimet më të ndjera familjes Basha për tragjedinë që u ndodhi, familjes Bushati dhe familjes Lici. Asnjëri nga ata që humbën jetën nuk rezulton të ketë pasur gjer sot asnjë problem me drejtësinë, në veçanti çifti Basha. U gjendën rastësisht në vendin e pritës, teksa ktheheshin nga puna në fermën e vogël me të cilën mbanin fëmijët. Masakra e djeshme është vazhdim i një seri aktesh terroriste, atentatesh të ndodhura muajt e fundit në Shkodër të fshehura nga policia e Shkodrës apo të injoruara totalisht në gjetjen dhe arrestimin e atentatorëve. Masakra e bandës qeveritare në Shkodër, vjen pas të korrikut ku u plagosën tre të rinj, dy prej të cilëve u shtruan në spital por u fsheh. Vjen pas asaj të shtatorit, se policia e di ush është atentatorit por nuk iu bë një pyetje e vetme nga policia. Vjen pasi Arlind Bushati 3 javë më parë u përball me atentatorë të cilët u shkrehu revolveri që iu drejtuan dhe me të drejtë si çdo qytetar i riu Arlind Bushati iu drejtua policisë së shtetit. Ngjarja e djeshme thuhet se pati mbështetjen e policisë. Ishte e paralajmëruar dhe kishin çdo të dhënë për përgatitjen e saj. Nuk kam të sigurt burimin, por në pritë i nxori dikush nga policia që u devijoi rrugën Licit dhe Bushatit. Kjo masakër nuk mund të mos lidhet me vendimin e Ramës për të kandiduar në Shkodër. Rama e di që është njeriu më i urryer nga Shkodra dhe shkodranët.
LEXO EDHE:
EMRI/ Kush është i riu që humbi jetën në Shkodër? Vëllai i “të fortit shkodran”
Çfarë u gjet brenda “C-Classit” me të cilin udhëtonin Lici e Bushati? Policia jep detaje të reja