Në kuadër të operacionit policor ndërkombëtar “The Wanted”, falë bashkëpunimit të ngushtë mes Interpol Tiranës, Interpol Madridit dhe policisë spanjolle, është arrestuar në Spanjë shtetasi shqiptar Juxhin Drazhi, 34 vjeç.
Ky shtetas ishte i shpallur në kërkim ndërkombëtar, pasi Gjykata e Posaçme e Shkallës së Parë për Korrupsionin dhe Krimin e Organizuar në Tiranë i kishte caktuar masën “Arrest në burg” për veprat penale: trafikim i lëndëve narkotike në bashkëpunim, pjesëmarrje në grup të strukturuar kriminal dhe kryerje të veprave penale nga organizata kriminale.
Interpol Tirana dhe Interpol Madrid po vijojnë procesin e ekstradimit të J.D. drejt Shqipërisë.