Agjencia e Mbikëqyrjes Policore (Rajoni Vlorë – Gjirokastër), me urdhër të Prokurorisë së Gjirokastrës, ka pezulluar nga detyra DH. Ç., shef i Seksionit për Hetimin e Krimeve në Komisariatin e Policisë Përmet.
Pezullimi vjen për shkak të dyshimeve për kryerjen e veprës penale të shpërdorimit të detyrës, gjatë procedimit penal të vitit 2025. Sipas AMP-së, hetimet kanë nxjerrë dyshime të arsyeshme për shkelje nga ana e oficerit gjatë marrjes së deklarimeve dhe veprimeve hetimore të tjera.
Agjencia thekson se hetimet vazhdojnë për të zbardhur plotësisht rrethanat e ngjarjes dhe për të vlerësuar nëse persona të tjerë kanë qenë të përfshirë në këtë veprimtari kriminale.