Ambasada e Shteteve të Bashkuara në Tiranë ka lëshuar një njoftim të rëndësishëm për aplikantët për vizë, duke theksuar se barkodi i formularit DS-160 duhet të përputhet saktësisht me barkodin e konfirmimit të takimit për intervistë.
Sipas Ambasadës, nëse barkodet nuk përputhen dhe kjo nuk korrigjohet të paktën dy ditë para intervistës, takimi do të anulohet automatikisht. Në këtë rast, aplikantët do të duhet të caktojnë një takim të ri për të vijuar procesin e aplikimit për vizë.
Në njoftimin zyrtar thuhet: “KUJDES! Barkodi në konfirmimin e takimit tuaj DUHET të përputhet me barkodin në formularin DS-160, për të siguruar një proces të sigurt vizash.”