Produksioni i Big Brother VIP Kosova ka njoftuar se banorja Alba Pollozhani është dërguar sërish në spital, pas një rrëzimi të ndodhur brenda ambienteve të shtëpisë.
Në komunikatën zyrtare thuhet se Alba është transportuar menjëherë drejt urgjencës së Spitalit Amerikan, ku ndodhet nën kujdesin e mjekëve. “Alba Pollozhani, banore e Big Brother VIP Kosova 4, është rrëzuar dhe është dërguar menjëherë për trajtim mjekësor”, njofton produksioni.
Kjo është hera e dytë që Alba përfundon në spital gjatë qëndrimit të saj në shtëpinë e BBVK. Aktualisht, ajo po mbahet nën vëzhgim të vazhdueshëm mjekësor, ndërsa pritet një përditësim i mëtejshëm për të sqaruar nëse do të rikthehet sonte në shtëpi apo do t’i nevojitet më shumë kohë për rikuperim.