Rreth orës 03:18, në aksin rrugor “Gjirokastër–Tepelenë”, në vendin e quajtur “Bypass”, ka ndodhur një aksident i rëndë rrugor mes dy automjeteve, ku tre të rinj kanë humbur jetën.
Sipas informacionit paraprak, automjeti që drejtohej nga shtetasi M. D., 25 vjeç, banues në Tepelenë, është përplasur me automjetin që drejtohej nga shtetasi K. M., 24 vjeç, po banues në Tepelenë.
Si pasojë e përplasjes së fortë, kanë humbur jetën dy drejtuesit e automjeteve, si dhe pasagjeri A. R., 27 vjeç, banues në Tepelenë. Gjithashtu, ka mbetur e dëmtuar shtetasja A. D., 19 vjeçe, banuese në Delvinë, e cila është transportuar në Spitalin e Traumës, ku ndodhet nën kujdesin e mjekëve.
Grupi hetimor ndodhet në vendngjarje dhe vijon punën për zbardhjen e plotë të rrethanave dhe shkaqeve të aksidentit.