Një aksident tragjik ka shkatërruar një familje shqiptare që jeton në Itali.
Një 22-vjeçar shqiptar ka humbur kontrollin e makinës që drejtonte dhe për pasojë gruaja e tij ka ndërruar jetë.
Në makinë ndodhej edhe foshnja e tyre dhe motra e shoferit, që aktualisht ndodhen në spital në gjendje të rëndë.
Shoferi nga Shqipëria i idnetifikuar si A.H., ishte partneri i viktimës 24-vjeçare dhe babai i fëmijës. Pavarësisht përpjekjeve për ta shpëtuar, e reja e identifikuar si Mariagrazia Bedin nuk i mbijetoi dot plagëve.
Sipas mediave italiane, shqiptari ka rezultuar nën efektin alkoolit dhe të drogës pas disa testimeve.
I riu u arrestua nga Policia italiane dhe për momentin ndodhet në arrest shtëpie. E reja që humbi jetën në një aksident automobilistik ishte nëna e tre fëmijëve të vegjël.