Një aksident rrugor është shënuar rreth orës 13:00 të ditës së sotme në rrugën “Egnatia”, ku janë përplasur dy automjete.
Sipas të dhënave paraprake, automjeti që drejtohej nga shtetasi E. S. është përplasur me një tjetër mjet, me drejtues shtetasin I. N. Si pasojë e aksidentit, janë dëmtuar të dy drejtuesit e automjeteve, si edhe një pasagjer që udhëtonte në njërin prej tyre.
Të lënduarit janë transportuar menjëherë në spital për të marrë ndihmë mjekësore dhe, sipas mjekëve, ndodhen jashtë rrezikut për jetën.
Në vendin e ngjarjes ka mbërritur grupi hetimor, i cili po punon për zbardhjen e plotë të rrethanave dhe përcaktimin e shkakut të aksidentit.