MILOT– Një aksident i rëndë automobilistik ka ndodhur pasditen e kësaj të diele në Milot. Nga informacionet e deritanishme mësohet se në këtë aksident janë përfshirë dy automjete.
Për pasojë katër persona janë dërguar në Spitalin e Lezhës për të marrë ndihmë mjekësore. Ndërkohë shkaqet janë ende të paqarta.
Lezhë/Informacion paraprak
Rreth orës 16:30, në aksin rrugor Fushë-Milot – Lezhë, janë përplasur dy automjete, njëri me drejtues shtetasin B. B. dhe tjetri me drejtues shtetasin C. Sh..
Si pasojë e aksidentit janë dëmtuar pasagjerët që udhëtonin në automjetin me drejtues shtetasin B. B., konkretisht shtetaset D. K., F. C., D. A. dhe Xh. N., si dhe bashkëshortja e shtetasit C. Sh., shtetasja Sh. Sh. Të dëmtuarit janë transportuar në spital për ndihmë mjekësore dhe ndodhen nën kujdesin e mjekëve.
Grupi hetimor po punon për përcaktimin e shkakut të aksidentit./Radar.al