ELBASAN – Mesditën e kësaj të premteje ka ndodhur një aksident i trefishtë në aksin e rrugës kombëtare Elbasan-Ish Kombinati Metalurgjik.
Tre automjete janë përplasur me njëri tjetrën në rrethana ende të paqarta dhe si pasojë kanë mbetur të plagosur tre persona, njëri prej të cilëve në gjendje të rëndë.
Elbasan/Informacion paraprak
Rreth orës 11:00, në aksin rrugor “Elbasan-Bradashesh”, janë përplasur 3 automjete, me drejtues përkatësisht shtetasit O. L., 27 vjeç, R. SH., 46 vjeç dhe S. Zh, 71 vjeç. Si pasojë e përplasjes është dëmtuar drejtuesi i automjetit tip “BMW”, shtetasi S. Zh., i cili është në kujdesin e mjekëve.
2 drejtuesit e automjeteve janë shoqëruar në polici për kryerjen e veprimeve të mëtejshme.
Grupi hetimor po punon për përcaktimin e rrethanave dhe shkaqeve të aksidentit./Radar.al
