Një aksident i rëndë rrugor ka ndodhur këtë të martë në hyrje të fshatit Pezë Helmës pranë Tiranës, ku dy automjete u përplasën kokë më kokë. Një nga mjetet e përfshira ishte taksi. Shkak i aksidentit dyshohet të ketë qenë një parakalim i gabuar.
Si pasojë e përplasjes, disa persona mbetën të plagosur dhe u dërguan me urgjencë në spital për ndihmë mjekësore. Në vendngjarje ndodhet policia, e cila po vijon hetimet për zbardhjen e ngjarjes dhe përcaktimin e përgjegjësisë së drejtuesve të automjeteve.