Një aksident rrugor është regjistruar rreth orës 18:25 në aksin Lushnjë–Fier, ku një automjet dhe një motomjet janë përplasur me njëri-tjetrin.
Sipas informacionit paraprak, një automjet i drejtuar nga shtetasi Z. H., 50 vjeç, është përfshirë në përplasje me një motomjet të drejtuar nga shtetasi Anxhelo Tare, 28 vjeç.
Si pasojë e aksidentit, drejtuesi i motomjetit ka mbetur i plagosur rëndë dhe është dërguar në spital për trajtim mjekësor.
Policia dhe grupi hetimor ndodhen në vendngjarje dhe po punojnë për të zbardhur plotësisht rrethanat dhe shkaqet e aksidentit.