Një aksident i rëndë mësohet se ka ndodhur sot në aksin Këlcyrë-Përmet, afër Nenstacionit Elektrik.
Burimet bëjnë me dije se një automjet tip Opel, i drejtuar nga S.K. nga qyteti i Shkodrës, ka dalë nga rruga dhe ka përfunduar në kanal.
Për rrjedhojë të situatës forcat e policisë rrugore dhe ndihma e shpejtë kanë mbërritur në vendin e ngjarjes.
Pas përplasjes mësohet se shoferi ka marrë disa dëmtime në trup dhe është dërguar në spital për trajtim mjekësor.