Një aksident i pazakontë ndodhi në daljen jugore të Lushnjës, ku një automjet tip ‘Ford’ me targa AB 324 CI, i drejtuar nga një 40-vjeçare, goditi një tufë bagëtish.
Si pasojë, disa bagëti të imëta ngordhën, ndërsa mjeti pësoi dëme materiale. Fatmirësisht, drejtuesja e automjetit nuk u lëndua, as bariu, i cili nuk ndodhej në rrugë në momentin e përplasjes.
Në vendngjarje mbërriti Policia e Qarkullimit Rrugor, e cila dokumentoi rastin dhe rregulloi trafikun e bllokuar nga incidenti.
