Ish-kryetarja e Gjykatës së PD dhe anëtarja e Këshillit Kombëtar, Adriana Kalaja, deklaroi se prej 3 vitesh e gjysmë po zhvillon një betejë të ashpër brenda Partisë Demokratike për çështje parimore, duke ngritur shqetësime që, sipas saj, askush tjetër në opozitë nuk i ka artikuluar.
Ajo bëri të ditur se nuk do të marrë pjesë në protestën e së hënës para Kryeministrisë, duke e cilësuar të papranueshme që PD të thërrasë qytetarët në protestë, ndërsa të nesërmen të ulet në tryezë me PS për Reformën Zgjedhore apo atë Territoriale.
“Nuk do të shkoj në protestë. Nuk mund të shkosh të protestosh në orën 6 dhe ditën tjetër të ulesh me mazhorancën për reformën. Kjo është e pahijshme,” tha Kalaja.
Ajo shtoi se PD nuk ka forcë politike sepse, sipas saj, ka bërë dhe vazhdon të bëjë pazare të fshehta me Partinë Socialiste.