A na kalon e gjithë jeta para syve në momentet e fundit? Kjo pyetje e vjetër merr një përgjigje të mundshme nga një studim i publikuar në “Frontiers in Aging Neuroscience”, ku për herë të parë u regjistrua aktiviteti i trurit të një njeriu në çastin e vdekjes.
Pacienti, një 87-vjeçar që vuante nga epilepsia, pësoi atak kardiak gjatë një skanimi EEG në Estoni. Kjo ngjarje i lejoi shkencëtarët të regjistronin 30 sekondat para dhe pas ndalimit të zemrës.
Rezultatet treguan një rritje të valëve gama – të lidhura me kujtesën dhe ëndrrat. Kjo përforcon idenë se truri, në çastet e fundit, mund të aktivizojë kujtimet më të rëndësishme të jetës, një “rishikim” i fundit përpara ndarjes nga jeta.
Një fenomen i tillë ishte vërejtur më herët te minjtë, por ky është rasti i parë i konfirmuar te njeriu. Sipas dr. Ajmal Zemmar, që drejtoi studimin, truri ndoshta përpiqet të rikujtojë momentet më të bukura, një mekanizëm i fundit paqeje për njeriun.