I njohur si një nga banorët më pozitivë të “BBVA4”, Gjesti mjafton që një moment të shprehet gabim dhe ai spikatet nga konkurrentët e tjerë.
Ditën e sotme teksa ndodhej jashtë me disa prej tyre, Gjesti tha se ‘do të kapë dashnore në Big Brother VIP 4’.
Ai e kishte fjalën për të gjetur të dashur pasi sipas tij kështu thuhet në Kosovë.
Por banorët po i shpjegonin se në Shqipëri fjala ‘dashnore’ merr një konotacion negative.
Egli në një moment ku shfaqet e ulur me Livian dhe Gjestin te shkallët afër pishinës, vërehet teksa mudnohet t’i shpjegojë se çfarë do të thotë fjala ‘dashnore’.
“Kështu i ka thënë Aldos se më tha para”, tha Egli duke qeshur, e më pas shton: “Por kështu po i thonë në Kosovë”.
Kur Gjesti e pyet se çfarë kuptimi ka, Egli i përgjigjet: “Dashnore është kur ti je i martuar edhe ke një tjetër”.
Pas kësaj Gjesti u drejtohet banorëve që po i përdorin fjalë ‘dashnore’:
“Shumë të dobët jeni, u sa të dobët. Hajde më të gjallë, a nuk po keni tjetër gjë? Unë e kam Eglin dashnore, ça po do? A je i kënaqur? Faleminderit. Natën e mirë”.
Ndërkohë Egli që ishte me Livian në një cep tjetër të oborrit, vetëm qesh, nuk reagon për fjalët që Gjesti u thotë Aldos dhe G-Banit.