LOS ANGELES- Në një kohë që 10 persona kan humbur jetën për shkak të zjarreve masive, autoritetet arrestuan një burrë me dyshimin për zjarrvënie.
Ky arrestim vjen pasi policia mori një telefonatë nga një dëshmitar i cili e pa të dyshuarin “duke tentuar të ndizte një zjarr”, tha Departamenti i Policisë së Los Anxhelosit për CNN përmes emailit.
I dyshuari ndodhet në paraburgim dhe është transportuar në stacionin e Topangës. Policia thotë se hetimet janë duke vazhduar. Që prej mëngjesit të së martës, zjarret shkatërruese në Los Angeles kanë vrarë të paktën 10 persona. Rreth 10,000 shtëpi janë shkatërruar plotësisht, mes tyre edhe rezidencat e vipave, ndërsa rreth 150,000 njerëz janë evakaur./CNN/ Radar.al