Ditën e sotme princesha e Uellsit, Kate Middleton mbushi plot 43-vjeç.
Një ditëlindje pak më e veçantë se herët e tjera për të jo nga kalimi i viteve, por hedhja pas krahëve e një periudhe të vështirë shëndetësore me të cilën ajo dhe të afërmit e saj u përballen.
Kate, e cila ka lindur më 9 janar 1982, pritet të kalojë ditëlindjen e saj privatisht me William dhe fëmijët e tyre — Princët George dhe Louis dhe Princesha Charlotte, në shtëpi në Windsor, Angli.
Kujtojme se ditëlindjen e saj të shkuar Kate e kaloi një javë larg nga shtrimi në një spital në Londër, ku do t’i nënshtrohej asaj që Kensington Palace e përshkroi në atë kohë si “operacion i planifikuar abdominal”.
Më pas ajo mori një pauzë të gjatë nga detyrat mbretërore, duke iu nënshtruar kimioterapive derisa më në fund pak muaj më pare një lajmi i mirë se Princesha ishte shëruar, gëzoi shumë persona.