Princesha e Uellsit, Kate Middleton, kaloi një vit të vështirë në 2024, në përballjen e saj me sëmundjen e shekullit.
Për shkak të kimioterapisë disa mujore, ajo qëndroi e tërhequr nga jeta publike.
Tani që gjithçka ka kaluar, është rishfaqur dhe ka folur edhe njëherë për vitin e vështirë. Në fakt ajo e quan ” të paplanifikuar”.
Teksa bisedon me njerëzit në festë, në një moment ajo thotë se ky ishte një vit i paplanifikuar për të, por që fatmirësisht po e lë pas.
Kate Middleton tani është nominuar si një nga pretendentet për titullin prestigjioz Person i Vitit nga revista Time.
Që nga viti 1927, Time ka zgjedhur personin, grupin ose konceptin që ka bërë ndikimin më të madh – qoftë pozitiv apo negativ – gjatë 12 muajve të fundit.
Si për ironi, viti 2024 ishte një vit në të cilin Kate supozohej të ishte jashtë vëmendjes.
Ajo e filloi vitin me dyer të mbyllura, duke nxitur spekulimet se nuk ishte mirë.
Më vonë në janar, Kensington Palace njoftoi se ajo kishte bërë “operacion të planifikuar në bark” dhe do të ishte larg syrit të publikut deri për Pashkë.
Megjithatë, princesha iu drejtua me një mesazh botës më herët se sa ishte planifikuar, në mars, për të mbyllur spekulimet e vazhdueshme për shëndetin e saj, duke njoftuar në kamera se ishte diagnostikuar me kancer.
Që atëherë, ajo, bashkëshorti Princi William dhe fëmijët e tyre, Princi George, 11, Princesha Charlotte, 9 vjeç dhe Princi Louis, 6, janë shfaqur në publik disa herë, më së shumti në një video prekëse të publikuar në shtator për të pranuar përfundimin e trajtimit të kimioterapisë së princeshës.
Që atëherë, princesha i është rikthyer shumë prej detyrave të saj të zakonshme publike, së fundmi ka dalë të premten, më 6 dhjetor, në shërbimin vjetor të këngëve të Krishtlindjeve në Westminster Abbey të Londrës, e veshur me një pallto të kuqe festive.
“Nëntë muajt e fundit kanë qenë tepër të vështirë për ne si familje. Jeta siç e dini mund të ndryshojë në një çast dhe na është dashur të gjejmë një mënyrë për të lundruar në ujërat e stuhishme dhe rrugën e panjohur, ” tha Kate në një deklaratë më parë këtë vjeshtë.
Radar.al