Banori i Big Brother VIP 4, Bernardi pranoi hapur orientimin e tij seksual, pas një debati të ndodhur gjatë javës në shtëpi.
Bernardi: Jam një baba krenar, jam gjysh krenar, nuk lejoj askënd që të më heqë krenarinë e të qenit një mashkull homoseksual.
E mbrëmjen e djeshme ai ka treguar në shtëpi një nga historitë e tij, kur ka qenë më i ri në moshë dhe 5 persona e kishin dhunuar dhe e kishin lënë në rrugë në gjendje të keqe.
Bernardi: Unë kam bindur veten që kjo që po përjetoj është reale, se nuk kam pasur zgjidhje tjetër. Të kisha rrugë tjetër, do isha gurë varri në Shqipëri në atë kohë. Jam rrahur në rrugë nga 5 çuna, jam lënë me kocka të thyera, më vodhën biçikletën, më lanë aty të vdisja. Në Tiranë, kam qenë 17 vjeç, sipas atyre kishte lidhje me orientimin tim. Më ka gjetur dikush nga ora 5 e mëngjesit. Atyre të shtëpisë, ishalla nuk më shohin tani, u thashë më përplasi një makinë.
Ky rrëfim i Bernardit erdhi pak kohë pasi kishte bërë të ditur se është divorcuar nga ish-partnerja e tij, dhe se është baba i dy vajzave.
Ndërsa sot, ai ka folur më shumë për romancat e tij me meshkujt. Bernardi tregon se “lidhjen e parë e ka patur me një shkodran”.
Ndërsa në një diskutim tjetër me banorët, ai thotë: “Më pëlqejnë meshkujt, pikë, mbaroi. Kaq! Unë dua burrë! S’dua as një burrë si femër as nuk i gjykoj, flas si Bernard, ma bëre pyetjen ta dhash përgjigjen. Unë me partnerin tim nuk kemi role, siç jam unë është dhe ai. Kam dy vite lidhje me partnerin aktual. Kam kaluar disa meshkuj në jetë”.