Policia greke zbulon një parcele të madhe me cannabis sativa afër kufirit greko-shqiptar.
Rreth orëve të para të mëngjesit është zhvilluar operacioni nga Drejtoria e Policisë së Epirit në bashkëpunim nga Policia Kufitare të Filatit dhe Policinë e Igumenicës në një zonë pyjore në brezin kufitar.
Policia njofton se bëhet fjalë për një plan të mirëorganizuar me rezervuar të improvizuar uji dhe sistem ujitje.
Në total janë asgjësuar 2451 bimë cannabis sativa.
Mësohet se nga këto 1252 bimë kishin gjatësinë nga 1.1 metra deri më 1.5 metra ndërsa 1199 ishin në gota gati për tu mbjellë.
Gjithashtu 762 bimë nga 1199 ishin të thara.
Në vendngjarje janë gjendur dhe sekuestruar dhe sende të përkohshme banimi si çadra, sende personale etj, gjithashtu dhe mjete bujqësore.
Policia greke po vazhdon hetimet për të identifikuar personat qe janë të përfshirë në ngjarje.