Gjatë ditës së sotme në rrjet bëri bujë lajmi se këngëtarët e mirënjohur shqiptar, Pirro Çako dhe Arilena Ara janë tërhequr nga gara e “Këngës Magjike” pak para natës Finale.
Burimet bëjnë me dije se dyshja u tërhoq për shkak të një problemi shëndetësor të Pirros, i cili është ftohur e për rrjedhojë e ka të pamundur të këndojë.
Lajmin e papritur e ka konfirmuar producenti dhe drejtuesi i festivalit, Ardit Gjebrea. Ai u shpreh se i vjen keq që Pirro nuk do jetë në festival, por për shkak të sëmundjes ëhstë dashur të marrë këtë vendim.
“E dëgjoni zërin tim? Edhe unë jam ftohur, por të paktën nuk do të këndoj. Për fat të keq, edhe Pirro është paqejf dhe për sa kohë që është në duet, më vjen keq që nuk do të jetë ky duet sonte në festival, por sëmundjes nuk ke ç’i bën”, tha ai në një prononcim për tvklan, duke qartësuar se arsyeja është tërësisht shëndetësore.
Për shkak se kënga është duet, tërheqja e Pirro Çakos sjell rrjedhimisht edhe atë të Arilena Arës.