ARGJENTINË– Wanda Nara sëfundmi ka dhënë një intervistë, por duket se nuk është marrë aspak mirë nga ish-partneri i saj, Mauro Icardi.
Pasi modelja deklaroi se e njihte reperin L-Gante prej tre vitesh dhe kishte një histori me të pas ndarjes nga Icardi, sulmuesi argjentinas i përgjigjet me të njëjtën monedhë ish-të dashurës.
Icardi ka folur me një gazetar të njohur argjentinas, i cili ka bërë publike bisedat mes tyre, duke zbuluar se kjo ka ndodhur me dëshirën e vetë futbollistit.
Ai ka deklaruar se nuk do të përmbahet më në komentet dhe deklaratat ndaj Wandas.
“Bën viktimën, pasi je mburrur me gazetarët. Më ke mashtruar mua dhe fëmijët e tu për tre vite dhe ke pranuar se nuk ke qenë besnike, ndërsa unë kujdesesha për fëmijët, duke kujtuar se po punoje. Ndërsa ti kishe një jetë të dyfishtë. Fyen dhe shpif, je një aktore e mirë, por të ra maska. Ke treguar bisedat tona të vjetra, nuk më intereson, nuk jam i fiksuar, nuk kam raporte me askënd, gënjeshtra dhe përsëri gënjeshtra. Prioriteti im i vetëm janë vajzat e mia dhe rikuperimi nga dëmtimi. Të shohim çfarë do të bësh kur drejtësia do të shohë prova të vërteta, jo biseda të vjetra dhe audio të realizuara me inteligjencën artificiale.”– shkruhej në mesazhin e nisur nga Icardi për gazetarin.
Sulmuesi i Galatasarayt nuk e ka lënë me kaq, pasi në një intervistë për një media turke, ai ka rrëfyer se çfarë Ëanda ka bërë me rrjetet e tij sociale, teksa e ka abuzuar dhe fizikisht.
“Ajo më ka abuzuar fizikisht për vite dhe gjithashtu më ka abuzuar digjitalisht, gjë që më ka sjellë shumë probleme financiare Ajo vodhi llogaritë e mia dhe u shkroi lojtarëve që luanin në të njëjtin ekip futbolli me mua në atë kohë”, tha ndër të tjera Icardi./Radar.al