Gjykata e Posaçme ka reaguar për lirimin nga arresti shtëpiak i Sali Berishës me një njoftim për mediat, të cilin e shihni në foton më poshtë. Në këtë njoftim bëhet me dije se vendimi për revokimin e masës shtrënguese të sigurimit personal është marrë në bazë të neneve 228, 229, 237 dhe 260 të Kodit të Procedurës Penale, shkruan Radar.al.
Duke filluar nga sot, 27 nëntor 2024, kreu i PD Sali Berisha është i lirë dhe pa asnjë masë sigurimi ndaj tij.
Gjykata e Posaçme, GJKKO konstatoi që për zotin Berisha nuk ekzistojnë më kushtet dhe kriteret për përcaktimin e asnjë mase sigurimi, tha avokati i tij Genc Gjokutaj.
Sali Berisha ishte vendosur në arrest shtëpie më 30 dhjetor të vitit të kaluar. SPAK ngriti ndaj tij akuzën për korrupsion pasiv në bashkëpunim për privatizimin e ish-kompleksit Partizani.
Ishte gjyqtarja Irena Gjoka që vendosi arrest shtëpiak ndaj ish-kryeministrit Berisha. Më herët ishte caktuar masa e detyrimit të paraqitjes, por nuk ishte respektuar nga kreu i PD.
Revokimi i masës sot, është bërë nga gjyqtarja Flojera Davidhi.