Detaje të reja kanë dalë në pah në lidhje me operacionin e zhvilluar nga SPAK në Elbasan, ku u arrestuan ish-gjyqtarët, Pajtime Fetahu dhe Zihni Shahu.
Operacioni në fjalë, vijoi më tej dhe me kontrolle të befasishme në vendet e lidhura me Suel Çelën, një emër i njohur për aktivitetin e tij kriminal.
Burimet kanë ngritur dyshime se emrat e gjyqtarëve përmenden në aplikacionit Sky Ecc për zbutjen e një mase sigurimi personal.
GJKKO vendosi masë arresti ndaj ish-gjyqtares Pajtime Fetahut, kontroll banese ndaj banesave të dy ish gjyqtarëve Zihni Shahu dhe Taulant Tafa.
Ndërkohë masë arresti shtëpiak për Blerina Beqirin, avokate e grupit të Suel Çelës.
Në një moment bashkëbiseduesit ankohen “nuk dëgjon Tomi” për ish-gjyqtarin Tomorr Kullolli i cili pas ankesave u përjashtua nga trupa gjyqësore.
Çela kërkohet të vihet para drejtësisë pasi bashkëpunëtori i tij i dikurshëm Nuredin Dumani pasi u pendua u tregoi hetuesve se Suel Çela i njohur dhe me emrin Marjus Lulaj e kishte paguar për të vrarë Elton Kilën, të njohur me emrin Oti si edhe administratorin e një shkolle private në Tiranë, Lulëzim Masha, krime për të cilat kishte paguar mijëra euro.
Atentati ndaj Kilës nuk u realizua ndërsa ndaj Mashës dështoi pasi plumbat kapën vetëm makinën.
Për arrestimin e Çelës janë të interesuar edhe prokurorë belgë, të cilët janë duke punuar për zbardhjen e një vrasje në Antëerp të Belgjikës vitin e kaluar, ku ka dyshime se Çela mund të jetë i implikuar.