Më 24 nëntor të vitit 2023, artisti i shquar Zef Deda u largua nga kjo jetë. Një vit më pas, për të kujtuar emrin e mirë dhe punën kolosale që la pas, në qytetin e tij të lindjes, e më saktë në shtëpinë e tij të dytë në Teatrin Migjeni do të organizohet një përkujtimore.
Detajet i ka dhënë në një postim në rrjetet sociale, i biri, Jul Deda:
“Zemra jeme. Te Dielen behet 1 vit qe s’jena perqafu, qe s’te kam afer fizikisht, sepse ti je cdo dite me mua, ne mendje, ne shpirt, ne gene. Hej Bos, te Dielen, do mblidhemi tek shtepia jote e dyte, ne Teatrin “Migjeni”, dhe do te te kujtojme ashtu sic ti na e le amanet. Ti the “ju du t’qeshun” dhe ne ashtu do te te kujtojme. Madje dua te ftoj kedo qe ka kohe dhe deshire, te jete i pranishem ne kete perkujtimore. Pa merak Bos nuk do bej rremuje, duam te te kujtojme ashtu sic e meriton, qete, bukur, paster dhe me lezet. Nje Zot e di sa me ka marre malli..! Te du fort zemra jeme..!”
View this post on Instagram
Kush ishte Zef Deda
Zef Deda Lindi në Shkodër më 27 korrik 1950. Eshtë shkolluar në qytetin e tij të lindjes, dhe në politeknikumin e ndërtimit në Tiranë. Fillon shkollën e lartë për gjuhë – letërsi, por nuk e mbaron dot për arsye shëndetësore.
Ka punuar për më shumë se 40-vite në Teatrin Migjeni të Shkodrës. Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj dhe është mjaft i dashur për publikun shqiptar, sidomos atë Shkodran.
Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdon me shumë sukses.
Rolet Kryesore
Kunati i shokut Xhemal,
Kola i dritave,
Charlie Chaplin (imitim) ,
Kusheriri nga Amerika,
Altini (altufi) Dhjetra emisjone per femije,
Ne filmin “gjurme ne kaltersi” 1981, etj.