Një tjetër aksident tragjik me pasojë humbje jete ka ndodhur mbrëmjen e të premes. Viktima është identifikuar 60 vjeçarja Hëna Maxhalaku.
Ajo humbi jetën tragjikisht në një aksident në segmentin rrugor Gjirokastër – Tepelenë, pranë fshatit Humelicë.
Sipas burimeve, Maxhalaku vuante nga probleme të shëndetit mendor dhe po ecte në mes të rrugës kur u përplas nga një automjet.
Automjeti drejtohej nga shtetasi M.M., i cili po udhëtonte në këtë aks. Policia ka mbërritur në vendngjarje për të zbardhur rrethanat e aksidentit dhe për të përcaktuar shkaqet që çuan në këtë aksident.