Presidenti i Partisë së Lirisë, Ilir Meta së fundmi në një intervistë për Top Channel na ka zbuluar më shumë se si i ka kaluar ditët e tij pas më shumë se dy javësh në qeli.
Përgjatë intervistës Meta thotë se në qeli vijon aktivitetin fizik, por jo se ka kërkuar palestër, ndryshe nga seç u raportua nëpër media.
Sot po bëhen dy javë në burg, si i kalon ditët Ilir Meta në qeli dhe a është e vërtetë ajo që thuhet në media se keni pasur kërkesa specifike, si për shembull një palestër që të stërviteni?
Normal që gazetarja e Dumanit do të vazhdojë të shpërndajë shpifje për jetën time edhe në burgun e Narkoregjimit. Unë vetëm kam pyetur a ka palestër dhe asgjë më shumë.
Unë vazhdoj të ushtrohem çdo ditë duke shpikur ushtrime sipas rrethanave. Jemi në maratonë dhe nga këtu do të dal në top formë.
Për dijeni edhe orën e dorës që ma morën ditën që më rrëmbyen ma kthyen vetëm pas 10 ditësh.
Në liri ju kemi parë aktiv, herë në zhytje në det dhe herë të tjera teksa ngjisni male. A ndjeni mungesën e “maleve tona më të larta, ujërave tona më të kaltra”, apo besoni se shumë shpejt do t’u riktheheni udhëtimeve?
Patjetër që do t’u rikthehem sepse nuk i kam ngjitur të gjitha malet e jashtëzakonshme të Shqipërisë. Dhe për këtë qëllim stërvitem çdo ditë edhe pse në kushte të vështira. Shpik çdo ditë ushtrime të reja. Disa m’i ka mësuar Ylli Bodinaku nga përvoja në Spaç.
LEXO EDHE:
Ilir Meta në qeli/ Bamir Topi: Mënyra e arrestimit, aspak dinjitoze, të bëhet transparencë
Ish-drejtori i Policisë: Ilir Meta më shiti 3 herë te miqtë e tij që i përkisnin botës së krimit