TIRANË– Ish-presidenti i Republikës së Shqipërisë, Bamir Topi, teksa ka qenë i ftuar pasditen e somte në emisionin Kjo Javë në News24, ka komentuar arrestimin e Kreut të Partisë së Lirisë, Ilir Meta.
Topi ka thënë se mënyra sesi u ndalua ishte aspak dinjizote.
“Politika i ka të gjitha instrumentet dhe mund të kërkosh dhe një transparencë. Është shumë e rëndësishme në një shtet ligjor të ketë transparencë. Të bësh një kërkesë për të parë mënyrën sesi është realizuar arrestimi. Mekanizmin e ka politika përmes institucioneve. Duke mos bërë transparencë i lihet vend dyshimeve. Në momentin kur një problem kaq i fortë del jashtë institucioneve, askush nuk jep një përgjigje institucionale, mos prisni nga politika të ketë një version, kjo është arsyeja pse duhet shfrytëzuar mundësia parlamentare për t’i bërë transparencë këtij momenti. Të paktën të marrim vesh versionin. Kur nisesh për të respektuar një vend gjykatë, patjetër mendoj se kanë qenë pajisur me kamera. Gjëja më e mijë për të rrëzuar hamendjet, do të ishte transparenca me një komisionin të kësaj natyre. Jam në parim për transparencën.”– tha Topi.
Më tej ai ka thënë se politika ka instrumente për të kërkuar transparencë përmes një komisioni./Radar.al
Arrestohet me urdhër të SPAK kreu i Partisë së Lirisë, Ilir Meta