Qepa jo vetëm që është përbërës i pashmangshëm i shumë ushqimeve, por është edhe magji e vërtetë kur është fjala për shërimin e disa sëmundjeve dhe të disa problemeve shëndetësore. Me siguri së paku një herë në jetë jeni djegur. Herën tjetër kur ju ndodh kjo gjë, priteni një copë qepe dhe vendoseni në zonën e djegur të lëkurës. Veprimi i saj natyral antisepktik dhe sedativ do të pengojë shfaqjen e infeksioneve të mëvonshme.
Zbut dhimbjet nga pickimi i insekteve. Në rast se një insekt ju ka pickuar gjëja e parë që ju duhet të bëni është të kafshoni një qepë dhe ta vendosni mbi lëkurë. Së shpejti do të zvogëlohen ënjtjet dhe do të parandalohet reaksioni alergjik pasi qepa ka veti antiinfamatore. Mund të ketë efekte të dobishme në rastin e një prerje të papritur. Së pari thjesht aplikoni një fetë qepë mbi vendin e prerë për parandalimin e infeksionit, pastaj, aplikoni disa fletë qepë, rrjedhimisht plaga do të pastrohet dhe gjakderdhja do të ndalet shumë shpejt.
Shtypni një gjysmë qepë duke krijuar një masë homogjene dhe aplikojeni në zonën e infektuar. Pas disa orësh, infeksioni do të fillojë të dalë nga trupi. Plaga duhet të pastrohet rregullisht dhe procedura të përsëritet derisa infeksioni të ketë dalë jashtë trupit. Për çdo shqetësim shëndetësor që keni, sigurohuni që të konsultoheni me mjekun tuaj.
Konsumimi i qepës së kuqe ndihmon në luftimin e kancerit, sugjeron një studim i ri. Kjo perime është e pasur me përbërës të fuqishëm që ndihmojnë në zhdukjen e tumoreve. Një prej tyre, i njohur ai antocianina, që është përgjegjës për ngjyrën e kuqe të qepës, mendohet se parandalon përhapjen e sëmundjes. Një flavonoid tjetër, i quajtur kuercetinë, ka të njëjtat efekte në tkurrjen e masës tumorale. Pavarësisht ngjyrës, çdo lloj qepe mund të ndihmojë në zhdukjen e qelizave kancerogjene, thonë shkencëtarët kanadezë.