DURRËS– Kryeministri Edi Rama ditën e sotme gjatë takimit me pensionistët në Durrës, komentoi kritikat për rritjen e pagës për ligjvënësit e Kuvendit.
Sipas tij figura e deputetit është bërë zhele, teksa shtoi se shumica e tyre nuk e meritojnë fare këtë lloj perceptimi.
Rama më tej tha se edhe sikur të pezullohej Parlamenti, pagat e deputetëve tek pensionet kanë ndikim vetëm 30 lekë.
“Thonë hiqjani deputetëve fare, pse i marrin, pse i rriten pagat deputetëve, Për shkak të një numri të caktuar deputetësh, figura e deputetit është bërë zhele, shumica e deputetëve nuk e meritojnë fare këtë lloj perceptimi dhe në fund të ditës, pagat për Kuvendin janë paga për Kuvendin, pavarësisht se ç’mund të themi për disa deputetë e për disa të tjerë. Por edhe sikur ta pezullonin fare parlamentin dhe të merrnin të gjitha pagat e deputetëve, ka ndikim 30 lekë, sikur ta pezullonin komplet qeverinë bashkë me deputetët, 30 lekë. Dhe sigurisht është muhabet kot, sepse nuk mund ta bëjmë hiq një gjë dhe shto një gjë. Nga ato paga merren sigurime shoqërore.”-tha Rama.