Pas deklaratës së parë të fortë që ka bërë këtë të premte, 25 tetor në gjyq Lefter Koka, ku ka kundërshtuar të jetë ai ‘simboli’ i korrupsionit për inceneratorët, e ka përmendur Monika Kryemadhin, ku në telefonin e saj mund të zbulohet korrupsioni, Berisha ka dalë me një thirrje për të.
“Ngrihu në lartësinë e guximit njerëzor dhe përplasua në fytyrë këtyre hajdutëve që të keqpërdorën”, tha ai.
Deklarata e Berishës:
Ne politikanët u detyrohemi me çdo gjë qytetarëve që kanë vendosur besimin tek ne.
U detyrohemi atyre pas Zotit më shumë se kujtdo tjetër.
Ndaj dhe cilido që disponon dëshmira, fakte, dokumente për krimet monstruoze të Edi Ramës, Erion Veliajt dhe organizatave të tyre kriminale, duhet t’i bëjnë me guxim publike.
Të dashur miq, sundimi i krimit është forma më e shëmtuar e diktaturave.
Berisha: Monika Kryemadhi t’u tregojë shqiptarëve pse i dorëzoi Ramës 460 mijë euro
Por si çdo diktaturë tjetër, të ardhme nuk ka.
E ardhmja është e guximtarëve, e ardhmja është e qytetarëve që mbrojnë parimet që besojnë, që mbrojnë idealet që ndajnë me njëri-tjetrin.
Trondit Lefter Koka: Hapni telefonin e Monika Kryemadhit, aty do gjeni…S’jam unë peshku i madh!
Unë prapë i bëj thirrje Lefter Kokës: Lefter, katër vjet më parë, jo më kot je ftuar nga opozita që të bësh të pandehurin e drejtësisë.
Koha të dha të drejtë.
Për mercenarët e Skapit çdo gjë që t’u thoshe, do varrosje më thellë akuzat tua.
Kurse tani të takon t’i bësh publike, të ngrihesh në lartësinë e guximit njerëzor dhe t’ua përplasësh në fytyrë këtyre hajdutëve që të keqpërdorën, që të kërcënuan, që të mashtruan.
E di ti vetë, i di vetë të gjitha këto, mos më bëj t’i them haptas.