Me një shprehje të ish Ambasadorit të SHBA-së në Tiranë Donald Lu për ‘peshqit e mëdhënj’, Lefter Koka foli sot në gjykatë dhe mbrojti veten përballë akuzave të ngritura ndaj tij.
“S’jam unë peshku i madh, nuk dënoni korrupsionin me mua”, mësohet të ketë thënë Lefter Koka në seancën për inceneratorin e Elbasanit.
SPAK kërkoi në Apelin e Posaçëm ndryshimin e vendimit të shkallës së parë, që shpalli të pafajshëm për akuzën “shpërdorim detyre” ish deputetin socialist Alqi Bllako dhe ish ministrin e Mjedisit Lefter Koka.
“E keni gabim e dëgjova prokurorin sot dhe ky është fiks kallëzimi i Monika Kryemadhit. Ata janë manipulatorë si Monika si Iliri, ai manipuloi situatën për të hequr në departament edhe një ambasador se besuan Ilirin” – akuzoi në seancë Leftë Koka.
Anila Hoxha raporton ish ministri tha “Doni të gjeni korrupsionin, hapni telefonin e Monika Kryemadhit”.
“Megjithëse u bë një vit hetim, konkulzionet e prokurorëve janë pa asnjë ndryshim. Unë e kuptoj qe institucioni do të marrë kredibilietet, edhe kjo gjykatë do jetë presion por besoj qe do jepni drejtësi re do ngriheni në nivelin e duhur të integritetit”, tha ai.
Lefter Koka sipas raportimit të Anila Hoxhës foli gati 20 minuta, mbasi folën dy avokatët e tij Julian Mërtiri dhe Tritan Hamitaj.