Me një shprehje të ish Ambasadorit të SHBA-së në Tiranë Donald Lu për ‘peshqit e mëdhënj’, Lefter Koka foli sot në gjykatë dhe mbrojti veten përballë akuzave të ngritura ndaj tij.
“S’jam unë peshku i madh, nuk dënoni korrupsionin me mua”, mësohet të ketë thënë Lefter Koka në seancën për inceneratorin e Elbasanit.
“Doni të gjeni korrupsionin, hapni telefonin e Monika Kryemadhit”, ka deklaruar ai.
Berisha: Monika Kryemadhi t’u tregojë shqiptarëve pse i dorëzoi Ramës 460 mijë euro
Këtë gjë e ka komentuar edhe ish kryeministri Sali Berisha. Nga dritarja e shtëpisë këtë të premte, 25 tetor, ai tha se Lefter Kokës i “kanë ardhur mendtë”.
“Sot personi të cilin e kemi quajtur gjithnjë ‘ladro utile’, hajdut i dobishëm, Lefter Kokës i erdhën dy pare mend.
Iu rikthye edhe guximi. Sot, në sallën e gjyqit, ai deklaroi se nuk jam unë autori i djegësve, se ‘peshku i madh’ është në telefonin e zonjës Kryemadhi.
Miq, Lefter Koka deklaroi me përgjegjësi para gjyqit se ‘peshku i madh’ është vetëm një dhe e ka emrin Edi Rama”, u shpreh Berisha.
Trondit Lefter Koka: Hapni telefonin e Monika Kryemadhit, aty do gjeni…S’jam unë peshku i madh!