Një ngjarje e rëndë ka ndodhur në Fier ku një debat mes të miturish ka agrevuar deri në përdorimin e thikave.
Burimet bëjnë me dije se për rrjedhojë të ngjarjes janë vënë në pranga 2 shtetasit K. A., 21 vjeç dhe E. M., 18 vjeç pasi dyshohen si autorët e krimit të rëndë.
Për rrjedhojë të ngjarjes policia ka vijuar procedimet në gjendje të lirë dhe për një 17-vjeçar.
Njoftimi i Policisë
Specialistët për Hetimin e Krimeve të Rënda të DVP Fier arrestuan shtetasit K. A., 21 vjeç, dhe E. M., 18 vjeç, të dy banues në Divjakë, si dhe u referuan materialet në Prokurori ku nisi procedimi penal për një shtetas të mitur 17 vjeç, pasi këta 3 shtetas, për motive të dobëta, kanë goditur me mjet prerës (thikë), 2 shtetas të mitur. Mjeti prerës u sekuestrua në cilësinë e provës materiale.
Specialistët e Policisë Rrugore të DVP Fier arrestuan shtetasit A. Q., 47 vjeç, banues në Vlorë, dhe A. Ç., 68 vjeç, banues në Lushnjë, pasi u konstatuan nga shërbimet e Policisë duke drejtuar automjetin në gjendje të dehur.
Materialet procedurale i kaluan Prokurorisë për veprime të mëtejshme.