Policia e Tiranës ka bërë një njoftim zyrtar në lidhje me tragjedinë e ndodhur në një familje, ku një nënë e re ka humbur jetën bashkë me foshnjen e saj në spital.
Policia bën me dije se nuk ka pasur pretendime nga familjarët në lidhje me mjekët, dhe nuk ka asnjë kallëzim.
Sipas bluve, e reja ka humbur jetën, dyshohet si pasojë e arrestit kardio-respirator.
Njoftimi
Më datë 05.10.2024, është paraqitur në maternitet, shtetasja B. D., 36 vjeçe, pasi ka shfaqur komplikacione shëndetësore. Nga kontrolli mjekësor është konstatuar se fetusi i saj 9-muajsh ishte i pajetë. Më pas, më datë 07.10.2024, kjo shtetase ka humbur jetën, dyshohet si pasojë e arrestit kardio-respirator. Për këtë rast, nuk ka patur kallëzim apo pretendime nga familjarët, për shkakun e humbjes së jetëve.
Materialet procedurale i kaluan Prokurorisë, për vlerësim.