Florida është në gatishmëri të lartë pasi uragani Milton po i afrohet bregut perëndimor të shtetit.
Milton është stuhia “më e keqe” që ka goditur zonën Tampa në më shumë se 100 vjet, sipas NHC.
Guvernatori i Floridës Ron DeSandis u bëri thirrje banorëve të përgatiten për një stuhi “të egër”, duke e quajtur atë uraganin më të fortë që ka goditur Gjirin e Meksikës që nga viti 2005.
“Le të përgatitemi për më të keqen dhe të shpresojmë që të dobësohet. Unë mund ta them këtë pa asnjë ndjenjë drame: nëse zgjidhni të qëndroni në një nga zonat e evakuimit, do të vdisni”.
Deri më tani, të paktën nëntë qarqe kanë lëshuar urdhra të detyrueshëm evakuimi dhe autoritetet po u kërkojnë banorëve që të respektojnë pa vonesë.
Kryebashkiaku i Tampa, Jane Castor dha një paralajmërim të ashpër:
“Nëse vendosni të qëndroni në këto zona evakuimi, ai vendim mund t’ju kushtojë jetën.”
Guvernatori DeSandis paralajmëroi se banorët duhet të finalizojnë planet e evakuimit sa më shpejt që të jetë e mundur, pasi nuk ka asnjë garanci se si do të zhvillohet moti të mërkurën.
Ndërkohë, trafiku në autostradë është rritur në masë pasi banorët largohen nga zona.
Disa parqe në Florida, si Disney World dhe Universal Orlando, mbeten të hapura, ndërsa të tjerët tashmë kanë njoftuar mbyllje të përkohshme.
Lexo edhe
Paralajmërohet uragani i fuqishëm të godasë Floridën, Biden shtyn udhëtimet jashtë vendit