Në një intervistë për revistën Bordo, gazetarja e mirënjohur shqiptare Aulona Musta u shpreh rreth emisioneve dhe figurave publike që shfaqen në ekranet e televizioneve shqiptare.
Teksa u pyet nëse ka emisione që nuk meritojnë të transmetohen, ajo u përgjigj se nuk ka programe që duhet të hiqen plotësisht nga ekrani.
Por ajo shënjestroi disa personazhe specifike, duke deklaruar se janë individët ata që nuk meritojnë të jenë në ekran.
“Nuk mendoj që ka emisione që nuk meritojnë asnjë minutë transmetim. Mendoj që ka personazhe që nuk meritojnë asnjë sekondë transmetim,” u shpreh ajo.
Aulona shtoi më tej se këta persona janë ata që dalin me titullin e moderatores apo gazetarit, por nuk janë të aftë që të artikulojnë një fjali të plotë.
“Të gjithë ata që dalin me statusin e moderatorit, apo gazetarit, ndërkohë që nuk dinë të artikulojnë një fjali nga fillimi në fund,” tha Aulona.
LEXO EDHE:
“Realiteti i dhimbshëm”/ Moderatorja shqiptare: Po të isha mashkull do ma shpifte vetja, ju qofshi