TIRANË– Sot është shtyrë për herë të tretë seanca paraprake për dosjen e sterilizimit. Bëhet me dije se pas katër orësh, me kërkesë të ish-ministrit Ilir Beqaj është shtyrë seanca e kësaj të enjteje.
Seanca e radhës u la më 10 tetor në orën 10:00 ku kanë mbetur për t’u lexuar edhe 50 faqe.
Për dosjen e “Sterilizimit”, Ilir Beqaj akuzohet për “shpërdorim detyre”, ndërsa u la në masën detyrim paraqitjeje.
Çështja e “Sterilizimit” ka ngecur në seancë paraprake, për shkak të dosjes voluminoze, e ku mbrojtja ka kërkuar që SPAK ta lexojë në gjyq çdo akt, duke ngadalësuar kështu procesin.
Ish-zëvendësi i tij Klodian Rrjepaj dhe biznesmeni Ilir Rrapaj ndodhen në qeli, ndërsa masa sigurie u caktuan për anëtarët e komisionit të vlerësimit të ofertave. Të pandehurit akuzohen për koncesionin me vlerë 100 mln euro.