Sipas paraqitjes së tij në fushë, Lamine Yamal është dhe do të mbetet një nga lojtarët më të mirë në botën e futbollit.
Kësaj vere, talenti i Barcelonës demonstroi nivelin e tij të lartë dhe fitoi si protagonist këtë kompeticion me Spanjën.
Ndonëse në një moshë të re, Yamal ka marrë shumë vlerësime nga legjendat e këtij sporti.
Vlen për t’u theksuar Cristiano Ronaldo, ish-lojtari i Real Madridit, i cili kishte evidentuar tashmë sukseset e lojtarit të Barçës në raste të tjera, kur Lamine u emërua në listën e kandidatëve për të fituar “Topin e Artë” dhe “Golden Boy”.
Tani CR7, përmes kanalit të tij në YouTube, në një bisedë me Rio Ferdinand, analizoi yjet e sotëm të futbollit botëror. Midis emrave, si ata të Mbappé apo Bellingham, u shfaq edhe Lamine Yamal.
Ferdinand e pyeti portugezin për lojtarin e ri katalanas dhe përgjigja e tij ishte: “Është e vërtetë që Lamine Yamal po bën gjëra që as Leo Messi dhe as unë vetë nuk i kemi bërë në atë moshë. Shoh potencial dhe talent të madh tek ai. Sigurisht, ka nevojë edhe për fat, sepse është shumë i ri. Shpresoj që të mos ketë probleme fizike”.
Për pesë herë fituesi i “Topit të Artë”, futbolli në të cilin po zhvillohet Lamine është ai që po e ndihmon, pa përmendur talentin e tij të madh, të spikasë në fushë dhe të ketë këto mundësi: “Lamine luan në një kontekst që e ndihmon shumë. Kombëtarja spanjolle është me të vërtetë shumë e mirë. Personalisht mendoj se ai ka shumë potencial, por le të shohim se çfarë do të ndodhë gjatë rrugës”.
Kur përfundoi temën e Lamine Yamal, portugezi ishte shumë i qartë për të ardhmen e talentit të Barçës: “Unë mendoj se Lamine Yamal do të jetë një nga lojtarët më të mirë të këtij brezi të ri”.