Pas hetimeve të kryera, është arritur të identifikohohet emri i personit që ra në pranga për vrasjen e Elis Rroshkodolit.
Emri i tij është Xhuliano Malo 26-vjeç, ndërsa 3 të tjerë bashkëpunëtorë në krim, janë shpallur në kërkim.
Por Malo nuk është emër i panjohur për policinë, kush është shtetasi në fjalë?
26-vjeçari mësohet së lindi në Lazarat.
Ai u arrestua në vitin 2017 nga policia pas vrasjes së efektivit të RENEA-s, Ibrahim Basha.
Xhulio Malo
Në momentin e arrestimit në atë periudhë Malos iu gjetën një sasi e madhe municionesh në automjetin që ai drejtonte.
Malo, gjatë dëshmisë së tij për sulmin ndaj RENEA-s, bëri e dije se autorët e vrasjes së Ibrahim Bashës janë vëllezërit Alban dhe Arbion Aliko së bashku me një person tjetër.
Hetimet e kryera të policisë:
Nga hetimet e kryera rezultoi se këta 4 persona organizuan dhe kryen vrasjen e Elis Rroshkodolit.
Gjithashtu policia ka zbuluar edhe një garazh në Tiranë, që iu shërbente atyre, si bazë për të fshehur automjete të trafikuara, që do t’i përdornin gjatë kryerjes së krimeve.
Si prova materiale mësohet se policia sekuestroi 3 makina të vjedhura në shtete të ndryshme të Europës dhe pjesë të automjetit të përdorur nga autorët, gjatë vrasjes së Rroshkodolit.
14 plumba depërtuan trupin e viktimës nga 18 që u shkrepen prej një distance të afërt nga pistoleta me silenciator, paraditen e së premtes së 30 gushtit.
Ju kujtojmë se dhe viktima Rroshkodoli nuk është emër i panjohur për policinë, pasi ai në vitin 2014 dyshohet se është përfshirë në një vjedhje në Belgjikë.
Njoftimi i Policisë
Në kuadër të operacionit policor të koduar “Fjalëkryqi” u arrestua shtetasi me iniciale Xh.M, 26 vjeç, për veprat penale “Sigurimi i kushteve dhe i mjeteve materiale për të kryer vrasje”, “Veprime që pëngojnë zbulimin e së vërtetës” dhe “Trafikimi i mjeteve motorike”, kryer në bashkëpunim.
Gjithashtu, u identifikuan dhe u shpallën në kërkim, për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim, shtetasit J. Xh., 31 vjeç, V. Xh., 38 vjeç dhe D. M., 42 vjeç.
Nga hetimet dyshohet se këta 4 shtetas kanë organizuar dhe kanë kryer vrasjen e shtetasit E. Rr. (Sh.).
Policia po vijon kërkimet për lokalizimin dhe ndalimin e tre shtetasve të shpallur në kërkim.