TIRANË– Ka përfunduar ekspertiza mjekoligjore për 42-vjeçarin, Egli Proga, ku janë konstatuar dëmtime në trupin e viktimës.
Proga humbi jetën tragjikisht, pasi dyshohet se u dhunua për vdekje në një lokal nga i riu Denis Meçe në qytetin e Pogradecit.
Bazuar në aktin e ekspertimit, shkaku i vdekjes së 42 vjeçarit është “hemorragjia në cipën e trurit dhe hemorragjia e indit trunor”.
“Në mostrën e gjakun të viktimës u zbulua prani e alkoolit etilik në vlerën mesatare 2.82 g/L” , thuhet në ekspertizën mjeko-ligjore.
Ndërkohë ekspertiza mjeko-ligjore i është dërguar Prokurorisë së Korçës e cila po vijon hetimet për vrasjen e Egli Progës.