Enver Balla raportohet se ka pasur rreth 75 milionë lekë të vjetra të mbyllura në një kasafortë që e kishte lënë tek dhoma e të birit, ndërsa çelësin e mbante me vete. Kjo kasafortë ka ‘futur’ sherrin në familjen.
Autori dyshohet se e kishte hapur me gur fresibël në një vend që nuk dukej dhe për një kohë të gjatë merrte para.
Ne momentin që babai ka dashur të marr rreth 20 mijë euro për t’i investuar tek një shtëpi që po ndërtonin, ka konstatuar që mungonin lekët. Aty kanë debatuar dhe kanë nisur të konfliktohen.
Të nesërmen në mëngjesin e 13 gushtit babë e bir kanë dalë bashkë dhe tek stani i tyre djali e ka qëlluar me armë zjarri pistoletë, më pas e ka hedhur trupin në pus dhe ka shkuar në polici për ta raportuar të zhdukur.
Armën e krimit e ka hedhur në një kanal, ndërsa trupin e babait e ka trasportuar dhe hedhur në një pus në një arë të këtij fshati, rreth 1 kilometër larg nga vendi i ngjarjes.
Grupi hetimor ka gjetur trupin e shtetasit E .B., dhe ka sekuestruar armën e zjarrit tip pistoletë, kasafortën e hapur me sende të forta, ku mbante lekët 30-vjeçari dhe prova të tjera që lidhen me ngjarjen.
Trupi i shtetasit E. B. u transportua në Morgun e spitalit të Durrësit, për ekzaminim mjeko-ligjor.
Strukturat Hetimore të Drejtorisë Vendore të Policisë Durrës në bashkëpunim me Prokurorinë vijojnë veprimet hetimore për zbardhjen dhe dokumentimin e plotë të kësaj ngjarjeje.
Materialet procedural i kaluan Prokurorisë, për veprime të mëtejshme për veprat penale “Vrasja për shkak të marëdhënieve familjare”, “Mbajtja pa leje dhe prodhimi i armëve, armëve shpërthyese dhe municionit” dhe “Fshehja dhe asgjësimi i kufomës”.