Sjelljet dhe komunikimet telefonike pas vrasjes së babait, hedhjes në pus dhe denoncimit të tij si i zhdukur kanë zbuluar djalin.
Esmerald Balla, 34-vjeç ka pranuar para hetuesve se e ka varë babain e tij Enver Balla, 62-vjeç dhe trupin e tij e ka hedhur në pus.
Policia e Durrësit ka arritur që të zbardhë ngjarjen e rëndë pasi ka patur dyshime që në fillim për krim brenda familjes.
Hetuesit kanë përgjuar komunikimet telefonike dhe mesazhet e autorit ku më pas kanë zbardhur ngjarjen e rëndë.
Autori pas arrestimit ka pranuar krimin duke thënë se e vrau të atin për arsye parash. Ngjarja e rëndë ndodhi në Shënavlash.